ئه‌مڕۆ یه‌كشه‌ممه هێزی ئاسمانی عیراق له یه‌كتربڕی سه‌رسار – ته‌قسیم پرۆسه‌یه‌كی سه‌ربازی ئه‌نجام دا و توانی ئه‌و سه‌ربازانه رزگار بكات كه له‌لایه‌ن رێكخراوی تیرۆریستی داعشه‌وه ئابڵوقه درابوون.
فه‌ریق روكن حامید ئه‌لمالیكی فه‌رمانده‌ی هێزی ئاسمانی عیراق له كۆنگره‌یه‌كی رۆژنامه‌وانیدا رایگه‌یاند كه "دابه‌زینی هێزه‌كانی سوپا له یه‌كتربڕی سه‌رسار – ته‌قسیم به‌بێ زیان بووه و به‌هۆی خراپی بارودۆخه‌كه دوێنێ شه‌و پرۆسه‌كه‌یان ئه‌نجام نه‌داوه".
حامید ئه‌لمالیكی ئاماژه‌شی به‌وه‌دا كه له‌و پرۆسه‌یه‌دا سه‌رجه‌م سه‌ربازه‌كان رزگار كراون و رێكخراوی تیرۆریستی داعش-یش زیانێكی زۆری پێگه‌یشتووه.
پێشتر خالید ئه‌لعوبێدی وه‌زیری به‌رگری عیراق رایگه‌یاند كه "تیرۆریستان به سێ ئۆتۆمبێلی بۆمبڕێژكراو هێرشیان كرده‌سه‌ر هێزێكی سه‌ربازی له نزیك به‌نداوی "نازم ئه‌لته‌قسیم" كه به‌نداوێكی بچووكه و 28 كیلۆمه‌تر له به‌نداوی سه‌رساری ستراتیژییه‌وه دووره‌وه و و به‌هۆیه‌وه 13 سه‌رباز شه‌هیدبوون هه‌شتی تر بێسه‌روشوێن بوون".
ئه دمین Unknown
0 التعليقات:
إرسال تعليق