مه‌سعود بارزانی سه‌رۆكی هه‌رێمی كوردستان ئه‌مڕۆ له سه‌لاحه‌دین له‌گه‌ڵ موهه‌نه‌د شه‌داد به‌ڕێوه‌به‌ری كاروباری كونسوڵگه‌ریی ئوردن له هه‌ولێر كۆبوونه‌وه.
به‌پێی هه‌واڵێكی ماڵپه‌ری سه‌رۆكایه‌تی هه‌رێمی كوردستان، دیداره‌كه‌ی سه‌رۆكی هه‌رێم و به‌ڕێوه‌به‌ری كاروباری كۆنسوڵگه‌ری ئۆردن له هه‌ولێر بۆ گه‌یاندنی نامه‌ی پاشای ئوردن بووه بۆ سه‌رۆكی هه‌رێم.
موهه‌نه‌د شه‌داد به‌ڕێوه‌به‌ری كاروباری كونسوڵگه‌ریی ئوردن له هه‌ولێر ئاماژه‌ی به‌وه‌شداوه كه پادشا و گه‌لی ئوردن پێزانینێكی زۆریان بۆ كوردستان و ئازایه‌تی و قوربانیدانی پێشمه‌رگه هه‌یه له دژی تیرۆریستان و هاوخه‌می و سه‌ره‌خۆشیی پادشای ئوردنیشی به سه‌رۆكی هه‌رێم و كه‌سوكار و خانه‌واده‌ی پێشمه‌رگه شه‌هیده‌كان ڕاگه‌یاند.
وتیشی، هه‌ڵوێستی بارزانی له به‌رانبه‌ر تیرۆر و ئاماده‌بوونی له به‌ره‌كانی شه‌ڕ بۆ گه‌لی ئوردن و ناوچه‌كه مانایه‌كی زۆری هه‌یه، ڕاشیگه‌یاند گه‌لی ئوردن بۆ دژایه‌تیكردنی تیرۆر له‌گه‌ڵ گه‌لی كوردستاندایه.
هاوكات سه‌رۆكی هه‌رێمی كوردستان، سوپاسی ڕۆڵ و هاوسۆزیی پادشا و گه‌لی ئوردنی كرد و ئاماژه‌ی دا به په‌یوه‌ندییه مێژووییه‌كانی نێوان گه‌لی كوردستان و ئۆردن و باسی له هاوخه‌می كوردستانیش كردووه له به‌رامبه‌ر شه‌هید كردنی فڕۆكه‌وانه ئوردنیه‌كه‌دا.
بارزانی وتیشی، تیرۆریستان شه‌ڕیان به‌سه‌ر خه‌ڵكی كوردستاندا سه‌پاند به‌ڵام به خۆڕاگری و قاره‌مانێتیی پێشمه‌رگه ئێستا ده‌ستپێشخه‌ری له‌ده‌ستی هێزی پێشمه‌رگه‌یه و تیرۆریستان تووشی شكستی گه‌وره هاتوون.
ئه دمین Unknown
0 التعليقات:
إرسال تعليق