ئەندامێكی ئەنجومەنی پارێزگای كەركوك رایدەگەیەنێت، هێزەكانی پێشمەرگە ئامادەن بۆ رزگاركردنی قەزای حەویجە بەهاوكاری هێزە ئەمنییەكان و حەشدی شەعبی، وتیشی، زیاتر لە 80 تەرمی هاوڵاتیان كە بەدەستی داعش شەهیدكراون، لە گوندی بەشیرن.
محەمەد خەلیل، ئەندامی ئەنجومەنی پارێزگای كەركوك، بە سایتی "غەد پرێس"ی راگەیاند :" هێزەكانی پێشمەرگە لە ئێستادا ئامادەن بۆ رزگاركردنی قەزای حەویجە لە پارێزگای كەركوك لە دەستی چەكدارانی رێكخراوی تیرۆریستی داعش".
ئاماژەی بەوەشدا، كە رزگاركردنی حەویجە بەهاوكاری هێزە ئەمنییەكان و حەشدی شەعبی دەبێت، وتیشی :" رزگاركردنی ئەو قەزایە لە چەند میحوەرێكەوە دەبێت".
ئەو ئەندامە عەرەبەی ئەنجومەنی پارێزگای كەركوك، وتیشی :" تەرمی ئەو 80 هاوڵاتییەی گوندی بەشیر، خراونەتە ژێرخاك و بە شۆفڵ داپۆشراون."
قەزای حەویجە، یەكێكە لە قەزا عەرەبنشینەكانی پارێزگای كەركوك كە ژمارەی دانیشتووانەكەی بەپێی دوا ئاماری ساڵی 2011 نزیكەی 450 هەزار كەس دەبێت.
ئه دمین Unknown
0 التعليقات:
إرسال تعليق